English Translation @ JayneStars / SG Yahoo / ChinaTopix

Sources: AppleDaily – 2 / SingPao / Sina / YNet / iFeng / LeTV / TungStar / WenWeiPo / AM730 /
陳玉蓮預告回巢拍劇　時間未定
09月25日(四) 13:30 【on.cc東網專訊】 藝人陳玉蓮在香港大學以香港復康力量大使身份，出席由傷殘人士營運的迷你超市開幕禮。她表示已經為會方做了好幾年大使，所以有活動都會幫手：「最緊要就係宣傳啦，我係一個藝人嘛。同埋宣傳途中，如果有啲人經濟上可以支持個會，我都會同佢哋推廣出去囉！」更指會方除了政府資助外，都需要自行去籌款：「因為係唔夠錢！（難搵資助？）其實係非常困難，我哋都會去到廣西做呢件事，但其實都有啲困難囉。」因為多數人都未必完全認識會方的使命。
隨時離港
談到會否參考早前的「冰桶挑戰」推廣該會？陳玉蓮就坦言不清楚此挑戰：「我都係啱啱返嚟。」又表示自己近年常在中國山區：「所以呢個會都好好彩，有兩個大型 節目我都返到嚟。」而大陸學生上學時就是她做慈善的時間。至於今次有幾長時間留港？她謂：「我做完自己啲嘢就隨時再走。（又山區？）係呀！」
唔會主動搵工作
問有否打算再拍劇？陳玉蓮就坦言有與無綫洽談過：「但TVB都好好，都係睇吓我個時間咁。（即係會合作？）會，但係唔知幾時。（電影呢？）冇，呢方面就冇傾過。其實拍嘢方面我好被動，唔係好積極。（自己都想拍劇？）想！但同TVB個關係唔同，佢會去捉我個時間。」更笑言唯一變得積極是在山區會主動敲校門。談到曾在《神鵰俠侶》合作過的鄺佐輝患癌，她指自己是剛從記者口中得悉消息：「我好少聯絡圈裏面嘅人。」雖然平時沒有與他來往，但間中都會見到他，因此好希望他可以找到良方治病。